一講起減肥，好多人都話食麥皮啦！食麥皮啦！但麥皮好！難！食！唔係個個都可以接受到個個感覺！個日睇到本免費雜誌，入面有個食譜整粟米麥片粥，我照辦煮碗仲加咗啲自己喜歡的食材，感覺顏色靚啲又好味啲！仲好易入口！
材料：
甘荀 － １條
西蘭花 － １個
三文魚柳 － 約５００克
粟米 － １條
（因為太懶我用了雪藏粟米粒代替）
（因為太懶我用了雪藏粟米粒代替）
 |
| 我沒有買三文魚腩，改用在ＣITY SUPER購買的魚骨， 有啲邊邊位仲有Ｄ肉，但脂肪不要，因為好膩的 |
調味料：
鹽 － 適量
黑椒 － 隨量
做法：
- 先把材料西蘭花、甘荀及三文魚切粒，三文魚備用
- 如果用原條粟米，可先煮熟再切粒
- 把西蘭花、甘荀及粟米放入煲，水剛好蓋到材料面為足夠
- 水滾後下鹽調味（記住千萬不要太多鹽，會水腫架，我只會落半隻手指尾指甲份量，因為本身材料有味道，仲有唔好唔記得三文魚啲味都好出架）。
- 按自己喜愛，好似我自己本身鐘意食淋啲，所以水滾後我會再煲多約２－３分鐘
- 之後落麥皮，我會落約４湯匙（當然又係按自己喜愛及接受程度加減份量）
- 最後可以落三文魚粒，攪勻後熄火
- 吃之前可以落埋黑椒，搞掂！
 |
| 把西蘭花、甘荀及粟米放入煲， 水剛好蓋到材料面為足夠 |
 |
| 麥皮按自己喜愛及接受程度加減份量 |
 |
| 最後可以落三文魚粒，攪勻後熄火 |
 |
| 吃之前可以落黑椒，搞掂！ |
呢個份量我可以食足三餐且飽肚，食完一餐便便都暢通咗，因為入面有蔬菜仲有麥皮，三文魚又有豐富的奧米加３，仲有黑椒幫你驅驅風！
呢個食譜不是有什麼特別，只是知道減肥都可以食得好啲同埋只要少少變化，就會有大大不同，邊個話食麥皮一定係溝水或者用牛奶配？邊個話麥皮一定係做早餐？邊個話麥皮一定係甜食？仲有，呢個食譜係要你接受麥皮呢種食物，相信有食過麥皮的都知道難入口的程度或感覺是什麼？所以落麥皮的份量一定要隨自己喜愛，你鐘意既，２湯匙都得，你仲可以落多幾種唔同蔬菜，多啲顏色靚啲自然食慾都會好啲！而呢個麥皮粥既口感似咩？就係好似粥！粥你食啦卦～
心水清的都知道其實我只係落咗好少三文魚，其餘三文魚骨如何使用，下次再講。
