時間的錯

有時候想到某人，就是差那麼的一點點，只要相遇的時間是早幾年抑或遲幾年，一切結果大不同。但沒有辦法，那個時候總是要有人犧牲‧‧‧當然，我也犧牲了你我的感情。
http://www.youtube.com/watch?v=tYWufUugeUc

不要少看拗柴這課題（附相片）

拗柴時第一手照片

518是我人生第一次拗柴，拗的時候我聽到啪的一聲，然後右腳腳眼位置便如放了半個橙般腫起來。因為身邊太多人成日拗柴，所以好多人都睇少呢樣嘢包括我自己，到自己真係有事先去留意。

個日醫生同我照完話我冇斷骨，聽完仲好開心，只係如普通拗柴般，應該有一條靭帶撕裂了，但到了第三天，腳依舊痛，所以醫生建議我照磁力共振，他說：「係咪都抖６個禮拜，照完睇下咩事抖個陣都安心Ｄ」看報告後証明有２條靭帶撕裂！我立時非常淆底，大佬！第一次拗柴就搞成咁，之前仲懷疑醫生有冇呃我，要抖六星期，報告出咗之後，我立即運用史上最好的發明，GOOGLE SEARCH，然後找到2 級「拗柴」：足踝關節有 3 條外側韌帶，以前端的前距腓韌帶最易拉傷，其次是後方的後巨腓韌帶及中間的跟腓韌帶。2 級「拗柴」通常是指前端及中間韌帶被拉傷，甚至已呈部分撕裂狀態，患處很腫脹，步行時會感到劇痛，嚴重者可能要用手杖輔助或不能站立，經治療復元期大約 2-6 周。（更多資料）

已經過了一星期, 還是腫的! 似唔似煲完湯的雞腳

原來醫生冇呃我，３條中２條，哈哈，點解我會拗得咁勁？全因我係公司整個上午都冇郁過，重點係～我趐腳坐，我相信好多人都有呢個習慣，就係當我起身想去拎嘢之時，第二步唔為意以為腳尖係腳底向前拗，原因係我趐腳腳痺！（我嬤嬤細個已經講過腳痺時整親手尾長，我一直相信的，但沒有認真用心聽）而我隻腳就承受了我全身的力量，就係咁，我而家右腳小腿好粗，而且因為不能多走動，我肥咗好多，有效大家更了解趐腳禍害，請參考之前曾在FACEBOOK流傳的【翹腳】身體無法承受的重，而且因為我右腳受傷，左邊身用力較多，所以左邊身好痛。

而家仲要定時做物理治療！身體是自己的，你不愛它誰會愛它？不要等受傷了後悔。

我寫出嚟係要比自己記住呢個教訓，同時希望警惕到大家。相片，稍後奉上。

每週肌膚大掃除 (二)

續上：每週肌膚大掃除 (一)

第四步：也是深層清潔。這次用的是潔面孖寶之一Clay Masque (另一 孖寶是Gel Plus。我買的時候她們是這樣說的，而其實Dermes，Reenex旗下各人都這樣說）它的用法與 kiehl's的有點不一樣，這個我只會薄薄的塗一層，塗上後會有種涼涼的感覺（像皮膚在吃薄荷糖一樣），它不會像kiehl's等到全乾，10分鐘後洗去即可。

潔面孖寶之一的Clay Masque

有淡淡杏仁香味，
我覺得有杏仁成份的磨砂才算真正的磨砂
（購於泰國）

之後我會洗澡，讓毛孔再擴張下，順道做個全身磨砂，包括手，腳，背，頸！見到人見唔到人既地方都要做！磨砂用的是這枝從泰國Boots購入，粒子較粗，所以我只會用在身上，謝絕上面。磨完記得搽Lotion（良好習慣應每次洗澡後都搽）

Bicelle Mask!!急救必備!

第五步：冇錯！仲有第五步~就係敷保濕Mask! 我覺得這個步驟很重要，既然清潔乾淨，做乜唔比番啲嘢佢滋潤一下！因為大掃除後絕對係皮膚吸收的最好時機，特別做完peeling同深層清潔，皮膚缺水，這時我會敷一個補水面膜。認識Bicelle Mask是Dermes送給我的生日禮物，因為個陣咁啱join埋脫面毛，Vicky話呢隻面膜好好用，它的B5 GEL也是很有名的！這是生物纖維面膜，透明薄薄的，打開你會看到有２塊紙保護面膜，記住!! 個2塊紙都好有用，我會用佢地敷膝頭或手踭！包裝入面的精華，搽在勁上再慢慢按摩，千萬不要浪費！！！敷面膜時我真的會完全休息，閉上眼睛，好好享受面膜的10-15分鐘。平日生活已經很忙碌！為何不給自已一個機會好好真正休息？正如出去做facial敷mask個陣你都唔會睇雜誌同上網啦,right?!　
更多有關Bicelle Mask資料

其實一星期一次的大掃除，所花時間不需太多，不相信？我哋計一計：
洗面：１分鐘
Gel Plus：１０分鐘

kiehl's：１５分鐘
Clay Masque：１０分鐘

保濕面膜：１５分鐘

共約５１分鐘

除了最後的保濕面膜我一定要躺下外，其他的步驟我會邊大掃除邊做家務，話咁快時間就過，一星期一次，都唔算好過份啫。
記住「世上沒有醜女人，只有懶女人」

每週肌膚大掃除 (一)

好想重申「世上沒有醜女人，只有懶女人」呢句說話係正確到痺的！唔相信？皮膚爆拆乾到甩晒毛咁？只因轉季沒有做好準備工夫，懶敷MASK又仲未轉護膚品，所以皮膚敏感出粒粒。

ULTRACEUTICALS確是在澳洲救了我一命

em皮膚屬油性，因為太乾缺水好易出暗瘡，仲要皮膚薄又白底，一生暗瘡其實好搶眼！個人大咗開始真係注意，同埋買每一樣護膚品、化妝品時都必先努力爬文。因為唔想再浪費時間再去因為呢啲嘢而唔開心同睇醫生，同埋深信，冇靚既皮膚，任憑化妝技術再好，都唔會係一個靚女!!!!!!!再而，我化妝技術一啲都唔好，也不太喜歡化妝，因為覺得落妝好麻煩，所以寧願保養做好啲。


從澳洲回來香港後（之前去了一年WHV），皮膚沒有太大問題，暗瘡也會出，但因為在澳洲認識了ULTRACEUTICALS，簡直救我一命!!!!!!!!!!!!!!佢有幾好用???下個POST再講@@ 


自此我開始認真諗點樣改善皮膚質素。易出暗瘡因為底層太乾缺水，所以分泌油脂去保護皮膚，但有時往往過多的油脂就會令你生暗瘡，仲有角質層太厚令到皮膚吸收唔到養分，任憑你敷個幾貴幾好的mask都無補於事。所以我決定起革命，每週為肌膚進行大掃除，實行要嚟個大變身。

多用途的Olay洗面機

我會選星期六晚去做大掃除，首先我會先用Olay的洗面機洗面，這個洗面機好好用，有時我落妝都會用到佢（其實係我懶）。佢有分強弱，因為皮膚易敏感，所以我都係用弱。這部機只有2 粒制，上面的為開關，下面的是可調教旋轉時速度的快／慢，而因為我的臉比較敏感，所以一直以來我只用慢速。配合的是隨洗面機附送的磨砂洗面膏，這枝磨砂粒子比較小，配合慢速的洗面機，就有如平時自已洗臉一樣。好！咁既然一樣，做咩要買呢部機？因為鼻翼旁的毛孔較難清潔，這部機的刷頭便可讓你放心的幫你清潔每一個毛孔。用後確實清潔多，黑頭都少咗，我知道冇圖冇真相，但真的忘記了做記錄！而且只係二百幾蚊，如果沒有太高要求如我，鼓勵一試!

第二步：洗完面後，我便會用Gel Plus敷面8-10分鐘。我相信佢既大名應該好多人聽過！！！！Gel Plus有peeling作用，它會協助把底層皮膚廢物推出。用的時候會有點蟻咬的感覺，有點癢，這是正常的，約1分鐘後這種感覺會消除（若過了約3分鐘還癢的話最好立即洗臉。建議第一次用前，在頸測試是否過敏）如果生暗瘡，薄敷一個晚上，第二天暗瘡便會被打倒！！！Gel Plus確是居家必備的良品！！！


第三步：深層清潔。我會用kiehl's的Rare Earth Pore Cleansing Masque厚敷至把臉上毛孔掩蓋（重點！）這是它店其中一樣皇牌產品！（我貪靚的弟也向我強力推薦）它一罐確實可以用很久，敷在臉上直至全乾便可洗去，全乾的時候其實有點難洗，這時我便會再次出動Olay的洗面機，省時省力，仲可以順便清理被推出的小粉刺，因為佢會神奇地自己跑出來！而且＄200 幾蚊又真係可以用好耐好耐好耐!!!!!!!!!!!!!




下回再續!!!!!

省錢小撇步/ 秘笈 (三)

第五招：三思而後行

根據經濟學的理論，人既慾望係無窮無盡的，而衣柜總是只有有限位置！我絕不否認亦都好深切明白呢個道理！潮流興呢樣就想買呢樣，雖則我唔係潮流達人，但我都成日好想買衫，特別淘寶而家咁ＨＩＴ，啲衫又平，識搵既質素又唔錯，真係好難抗拒。而我，發現在時間確實係SHOPPING既死敵，如果有時間比我諗一諗，屋企應該少好多野。所以建議，放入購物車之車，過一日再去睇每一件貨品係咪好鐘意又或者定屋企冇咁既衫存在（你知啦，好多人買咗好多衫牌都冇剪幾年後發現佢係倉底）你會發現，其實有幾件又唔係真係咁鐘意。其實有時出街買野都係咁，鐘意其實又唔係實用品的話，請三思而後行，可以比自己一個限期，例如三日之後再黎睇下仲買唔買到，其實可能到第二日你已經唔記得咗佢，如果三日之後仲係咁鐘意，咁咪買囉，又或者到最後比人買咗，我會同自己講一句：「係你既就點都會係你既，冇緣份，佢都唔係屬於你」
其實呢個道理我都係係澳洲WHV時悟到，雖然ｄ衫冇香港既咁靚，但總會有嘢你係想買既，但到比錢之前，我總會問自己係吙真係鐘意，呢個時候總會放番低幾件，剩番個幾件又會睇下係咪真係咁鐘意，所以就算一開始瘋狂地拎咗好多件都好，最後拎去比錢既，都只係１,２件，我講緊既只係ＡＵＤ５既衫。我其實幾欣賞外國買完可於指定期限REFUND或換款的POLICY (即H&M及ZARA等公司做緊的)因為有時買到番屋企真係會後悔。

第六招：買二件送一件
讀ECON既人都知道，呢Ｄ係MARKETING策略，想既就係要你買多２件，但其實買多２件係咪真係用得著，用得晒，食得晒，買野千祈唔好比商家的招數打低，如一件貨物＄１５，買多件即係要比多＄１５，呢個根未必係你開頭想買野既原因，當然你話洗衣粉個Ｄ，個Ｄ又係另一件事，因為係必需品，呢個可以APPLY入買零食，順便減肥。其實我有時都會比呢Ｄ優惠吸引住，但係最後都會問清楚自己係咪真係有需要或者食得晒。或者買衫個陣「買多件八折」都中咗好多人死穴，但其實你要計既唔係個八折，係你買多件衫既價錢，呢個時候最好問下身邊朋友有冇嘢買，有既有一齊買享受八折，冇既話唔好「夾硬」買多件。或者用番第五招，可能其他個幾件都會放番低。

省錢小撇步/ 秘笈 (二)

好！繼續我的省錢小撇步！

第三招
這一招是我舊同事教曉我的！有時吃快餐店早餐， 餐飲奶茶咖啡總附帶2包糖，但不喜愛落糖人士，糖包會如何處置？未學懂這招前的我，總會連包裝一同拋棄，但之後若在快餐店趕得切，總會把糖包拿起，但也總會有時候趕唔切，咁點算？你可以拎番屋企做調味料。呢招對搬咗出黎住既朋友作用大啲。
又黎到小數怕長計環節；
如果日日都買早餐，一日2包，一星期10包，一個月40包，一年480包！！雖然未至於可以代替出超市買糖，但肯定你要去超市買糖既時間又拉長咗！其餘例子如外賣壽司的豉油。
這招並不是鼓吹各位為慳家諗唔同方法去得到這些調味料，而係與其浪費資源，倒不如將佢用番係有用位置！當然，最好既方法係即場同職員講唔要，唔會做成浪費！


第四招：學懂喜歡走路
唔知大家有冇揮手搭車既習慣，講緊既唔係順風車，而係搭的士，與我share blog的cc小姐，佢屋企同公司只係走約20分鐘便可到達之地，她這個懶人，偏偏最後一分鐘出門，然後搭$30的士番工！
這件事簡直令我大滴大滴汗咁流落嚟，嘩小姐！日日如事！
又黎小數怕長計下：$30*5天=$150*4星期=$600！！嘩！呢$600唔係錢嚟嘅？我今次唔計一年，計半年就已經$3600！喂！我已經冇計佢放工或者平時出去食飯嗰啲「嘩！個袋好重」「咁攰~~~~~」搭的士原因！
當我話完佢嗰排，每次見親佢不論面對面或msn，我都總會問一句有冇搭的士！好在呢位小姐都算係咁！呢個習慣已改！預早時間出門，行多幾步，又或者搭巴士地鐵，總好過次次的士。有時食得太飽，我都會同朋友由尖咀行出旺角；如果係銅鑼灣，我會行去灣仔搭船出尖咀再轉車番屋企！一黎散步消化下，二黎慳番幾蚊。對減肥都有幫助呀！


得閒再講！！！！！

省錢小撇步/ 秘笈 (一)

那天跟同事說起買樓，然後便很容易牽連到如何省錢這個問題！知易行難，如減肥一樣。好吧，來讓我整合一些自身經驗作參考：

自製早餐：因為吃厭了美心和聖安娜的麵包，便到公司附近小賣店買三文治，普通一份兩件的芝士火腿治竟索價$12！！！好貴啊！當然立即付錢走人並心唸不再幫襯（當然員工的態度也不是太好）晚上下班後便到屋企附近超市買材料，為自己準備早餐！

材料：

生命麵包一條：$11.8（可弄約5份三文治，以每次2塊麵包計）

12塊裝芝士：$35（以每次1塊計算，可用12天）

火腿：$14.6（我買的是超市減價貨，其實只要盡快食用就冇問題！金妹牌的4塊長火腿可一開二變8）

牛油（可依自己喜愛變成花生醬、煉奶、果醬等）

好的！我們計一計：

$11.8/5 + $35/12 + $14.6/8 = $7.08

（點解唔將牛油個價錢計埋入去？因為分分鐘一盒牛油用到2-3個月，什至更耐，點計？）

借問聲出面邊間舖可以做到一份$7三文治賣比你？小數怕長計：$12-$7=$5*7天=$35，一星期便慳了$35，一個月便得出$140，一年呢？ok你自己慢慢計。

這即沖咖啡粉好正!!好香!
喜歡的你可以去買UCC竹日

自製咖啡：星爸爸及太平洋tall size咖啡一杯賣緊至少$29，問心！真的好飲嗎？定只係心癮？唔足料已經係身邊朋友口中聽過不下數百萬次，既然係咁點解仲要買？由澳洲番黎後真係飲少咗好多咖啡，澳洲7-11沖的仲好飲！但冇辦法，人家咖啡文化勁？咁點？我買咗即沖咖啡粉，但不是N字牌，是我在澳洲飲過喜歡的，在比較大型的惠康或百佳都買到，我這罐$99，但足夠我飲至少四個月！每次只需要一茶匙（憑個人喜好加減咖啡粉份量）再加奶！牛奶我又是買澳牌的(圖片的在香港冇得買，我個陣澳洲影的，但同size)，一盒我飲到差不多2個禮拜，百佳有售，約$20一盒！好，又到計數時間！

以四個月，一個月20天計算，即80天

奶$20*2盒*4個月=$160

咖啡：$90

（$160+$90）／20天*4個月=$3.13
喂大佬!! $3.13..去邊搵，真係你買隻貴Ｄ靚Ｄ好飲Ｄ既奶都仲得！
再黎小數怕長計：$29-$3.13=$25.87*20(天) = $517.4

好...一年既..都係你地自己計......
咁一個月早餐，已慳番$657.4 ，都係你諗你！！

我仲有好多小撇步..下次再講~~~

懶訓豬福音：有絲質感覺的棉布床單

這是我的圖案選擇。床舖枕袋這東西最折騰人。因為你試過好的時候你就好難再要接受次一等的東西。以前媽媽買什麼用什麼，沒有選擇權，有時還會錯買起『粒粒』的床單，痛苦非常！

今日想介紹一個床舖品牌，是親身試過十多個由街邊到銅鑼灣Sogo中環連卡佛之後選出來的。物超所值地好質地，躺上去睡相有多怪都滑得可以肯定不怕壓出縐紋來！

前陣子換床褥，厚度十足，也使得一拚把床單枕袋給換了，上網找意見，說的都是貴氣十足的外國牌子：Busa、Rapee，又或者是人人都用的Casablanca、雅芳婷，意見收集得太多，最終都是親眼看親手摸才最公道。

正所謂『鹹魚青菜各有所愛』。有人愛花花Pattern、有人愛色彩鮮艷、有人愛喜氣洋洋。你問我揀什麼好，我就只可以說看上去霎眼嬌和你最後要日日起床要看到同一個樣子的床舖完全是另外一回事來的。

Natural Home也有型的系列。

到了Sogo和Lane Crawford，首先有四個要求：

(1)    摸上去躺上去一定要舒服，晚晚貼身接觸的東西嘛！是故全棉高針數是重點。

(2)    為避塵蟎，枕袋一星期要洗一次、床單一個月一定要洗一次，所以一定要是很耐用。

(3)    原因同上，一買就是要買兩張床單和兩個枕袋，不能太貴。過二千元一套的已經不能接受了。二‧千‧元‧一‧套‧喎！一‧買‧就‧兩‧套‧喎！用十年都係咁話！

(4)    揀選的都是素色清麗圖案的。日常生活接觸影像太多，難道睡覺時還是要眼睛不斷地受太刺激的圖案嗎？好辛苦哩！

試了很多間，一看到Natural Home柔柔的湖水蓋色就被吸引了過去。摸上手軟軟的。店員告訴我是590針(針數接受！)，都算高針數，而且有一種好像絲質一般的感覺，但沒有絲質的冷凍感，很神奇！忙不迭垂詢有什麼圖案揀，全都是清清的，看起來只有極少數有『街邊貨』的味道。很討喜。

這就是我口中「有極少數有『街邊貨』的味道」。是不是熟口熟面呢？

當然亦有極『娘』的系列。但都是590針的！

但當然身為一個(自以為)精明的消費者，當然要貨比三家。最後還是行勻了香港幾間永安百貨和Lane Crawford、還有海怡工貿的店子，才回到Natural Home付款購買。四呎床單HKD$650，枕袋HKD$330一對。是可以接受的水平。

後話一：回到公司後與已婚同事談起，原來人人都用緊，是女人堆中的Best Keep Secret！「我老公勁鍾意！已用了10多年，還是一粒毛粒都沒有起過！」上網找來自家網頁，的確是1995年開始的品牌，同事好有先見之明啊！

家貓乃是次購物的既得利益者。現在家貓們每天都睡在床單上，趕也不走。

後話二：一個正常上班族一天大約只能花6-8小時在床上，反而家貓乃是次購物的既得利益者。

有次特登用IKEA的薄毛氈蓋在上面不讓牠睡，結果發現貓兒就翻開毛氈躲起來！

好書推介：《The Secret》

近日『盛女』之風吹到『冚冚聲』，坊間充斥著不同的意見，其中大部分是對立的相反看法，一時間，男人和女人之間、女人和女人之間、甚至是已婚和單身之間，都出現了很多負能量。

在這個時候，人類就會很容易就會被社會所左右，而盲目地相信一些原本自己都不太相信的事情。一個單身女子/男子，如何可以在這個心態動盪的地方站得起來呢？

不打自招，幾天前因緣際會下重看《敗犬女王》的片頭，才驚發自己就是片中描述的「三高剩女」！當下心頭立即離了一下！有三秒鐘的好驚！

 剛好朋友突然介紹我看2006年出版的《The Secret》。這書其實被人讚不絕口好多年了，尤其是時尚圈中總是久不久就有個誰出來說一次。書入面有幾個重點是一定要和大家分享的。

《The Secret》入面講的重點就是：你要有要求，然後就要相信你自己會達到你這個要求，再每日感受達到要求時的喜悅，同埋感恩。只要這樣做，就可以啟動『吸引力法則』(Law of Attraction)。而『吸引力法則』(Law of Attraction)的最終價值觀就係：正面，感恩同埋愛人。

書中用了好多個例子，以下就揀選出香港女人最苦惱的三個問題，分別是：找男友、儲蓄，以及減肥。

個案一：找男友

本書話有個人，想找男友。但明明做足了所有《The Secret》的事，都找不到Mr. Right。苦思一輪之後才發覺自己根本就是抗拒緊自己的要求：睡覺時大大隻睡在床中間，衣櫃入面全都是自己衫，車房泊的是自己的車子。之後她開始只睡半張床，衣櫃清空一半，車房不再泊車留番個位給另一半，之後她就找到男朋友了！這本書的重點是除了行動之外，還要想像，而且要很形象化地每日想像，再感受『你已經得到佢』的感受，日夜反覆練習，你就會成功。

聽後我苦惱地向朋友說：「但是我又沒有上街去識新朋友，哪來的男人？」朋友完成是《The Secret》上身，話：「你沒有識新人，其實代表你男朋友已經出現咗。只係你要每日用喜悅的心情過，發放幸福頻率吸引佢來到你身邊！」

朋友繼續提供方法：「若果你有心儀對象，你可以試下貼張你畫他的畫像，每日都睇佢10次咁，之後會有幸福感。」

個案二：減肥

減肥都是同一個道理。根據《The Secret》，如果你為減肥而唔食野，即是代表你自己話俾自己知你好肥，食物令你肥，所以你只會更肥！相反，你要話俾自己聽你好瘦，相信你好瘦，要特登去買衫係細一個碼的，同相信自己你係會著得落的！本書話重點係你唔可以覺得食嘢係肥，食嘢覺得開心喜悅，自然就唔肥，食嗰陣要享受。

唔買新衫唔緊要，不如『的起心肝』要以穿得下以前最鍾意的牛仔褲為目標啦。

不過講真，你有沒有發現，通常都是「有心栽花花不發，無心插柳柳成蔭」，過了青春期後總是很用力都瘦不下來；不理體重反而不知不覺之間就落磅了。

個案三：儲蓄

如果你想儲蓄，你就要諗你是『好富裕』，而唔係『想要好多錢』。因為『吸引力法則』(Law of Attraction) 話，宇宙係分唔到正面的思想還是負面的思想的。所以，如果你想要好多錢，即是代表你現在覺得自己沒有錢，思想就會對焦在『沒有錢』上。久而久之，KEEP住諗冇錢的你就會真的儲不到錢！但如果你諗住你已經好有錢，得閒去睇又貴又靚的東西，但同時不忘對自己講你買到，你就一定買到，因為你發出又有錢又開心的頻率，咁已經存在的錢就會被吸引過來了！

最後，朋友建議：開心係自己俾自己的，儲定個SECRET BOX，入面每一樣要係令你快樂的東西，一有負面情緒就咩都唔好理，閉上眼想起SECRET BOX的一樣開心野一分鐘，之後微笑一分鐘。好人好事就會通通埋身！

我心目中的Secret Box呀！你的Secret Box又是什麼呢？

Spa by MTM「禪之幸福」

早前收到Spa by MTM「禪之幸福」的推廣電郵，這個療程是為了慶祝成立六周年，Spa by MTM特別推出2小時的「禪之幸福」（HK$1,980）體驗，療程揉合中國古老及日本禪修智慧及技術。由於cc分享過她之前對它們Facial之經驗及其喜愛程度，而且這次新體驗是二人同行一人價錢（如果找不到同行友人，也有六折優惠，我計過是多$200，優惠至4月30日）可惜cc不是新顧客不能享受此優惠，所以我便與另一識嘆好友一起前行！

我們去的是銅鑼灣希慎店，與MTM零售店是左鄰右舍，甫進去店面簡約舒服已讓你感到放鬆。由於是新顧客所以要先填寫簡單個人資料，之後會有9張顏色不同的禪咭供選擇，準則是以你當天的心情去揀選合適顏色，而按摩師會根據咭的顏色去選用精油，9張咭當中再分3種類別，分別是balance(平衡), revive(放鬆) 及relax(恢復)。而咭後就是所選顏色代表的身心狀態，我㨂的是Relax說我睡眠不足(由於不能拍照，所以沒有）。完成後便換上拖鞋，再由按摩師帶領下上到二樓，沿路上二樓的樓梯有小燭台，感覺更是放鬆（朋友說有去了泰國的感覺）。

我的按摩師叫Monica，邊走她邊為我介紹環境設施，地方不算很大，但整潔乾淨，梳妝枱放滿的全是MTM的產品，包括make up remover, moisturizer, body cream, eye cream等等）任用！環境介紹完後，Monica給我一個透明膠袋及浴袍，衣服要全脫光，內衣褲就放進透明膠袋內。為什要全脫光？因為要先洗澡，洗完後換上即棄內褲，然後便可進房了。

房間名以不同花命名，我的是「Tea Tree」，內裡一貫簡潔設計，首先以暖水浴足，按摩師先細心著我測試水溫，腳放下去後便倒下像牛奶的精油，細問之下才知道精油組合是由茶樹、椰子油及薄荷，難怪顏色乳白，浸下去時涼涼的。然後Monica在幾下輕柔按摩後替我抹乾腳，再問問我身體那裡比較勞累，然後便可上床入正題了。

躺下去後Monica響鈴三下以示正式開始，Monica調低燈光，每一下動作也很輕柔，而且躺下去感到床暖暖的，起初我以為與做熱石按摩有關，一問之下才知道原來是按摩時要脫光，房間又有冷氣，怕客人會感覺寒冷，故有這個暖毯的設計，這個設計確實貼心且窩心，也有助於這個放鬆的環境下睡著。只可惜中途被2次警鐘誤鳴吵醒，而且房間隔音設備不太好，會聽到房外有人在談笑及吹頭，又可能我的房比較外面，這個問題較嚴重。到了熱石部份，其實Monica也介紹過主是針對肩井、在背部的膀胱經，加以按摩，在前半部按摩鬆鬆後，加上熱石按摩，精油更易吸收。基本上按摩的1小時45分鐘內，我有2：3的時間是睡著的。最後Monica以三下響鈴結束。Monica溫馨提示先不要浪費精油，所以先不要洗澡，讓皮膚有多一點時間吸收，所以我只是洗頭，然後便吃小甜品豆腐花及一杯疑似竹䉀茅根水，吹吹頭便下樓換鞋付款離開了。

最後非常非常值得一讚的事，職員完全一點什至半點也沒有任何推銷的行動，這點確實讓我和友人感到絕對驚訝，我去任何試做都抱著同一心態，如果我真的覺得好，不用你推銷我也自願付出金錢幫襯，也會主動打電話什至即場詢問有關事項，很多時候美容事宜也不是能夠看到即時效果，什至皮膚有沒有敏感也非即時知道，有時想理由推卻也使我煩惱非常，所以spa by MTM確實徹頭徹尾讓我身心腦袋完全放鬆，且帶著笑容離開。


試後感：因為預期太好，出來的效果並沒有想像中好，但週末來個SPA鬆一鬆，確實輕鬆不少。適當時候愛一愛自己，是需要的 :)


更多資料:http://www.spabymtm.com/news_chi.htm
Spa by MTM
銅鑼灣恩平道3號地下A店
852 - 2923 7888 (Monica說雖然價錢不便宜，便依然Full Booking，記得預約)
www.mtmskincare.com