多啦A夢100歲生日快樂!!!!

早在被國民教育的話題洗版之前，就是CC之前曾經寫過的「你睇!!多啦A夢嚟啦」，一直被那100個叮噹（是的，我還是不太喜歡叫牠做多啦A夢）洗版，看見那麼多的人頭我已經唔想混入其中，最後我還是敵不過朋友們的熱情。

其實當天晚上我都依然堅持唔去，其一係因為表弟之前錄影的節目出街，雖不能現場支持，但依然想安在家中慢慢欣賞，但最後朋友講咗以下呢番說話：「今年叮噹100歲生日喎，喺香港擺展覽，唔係唔去睇吓呀嘛，佢都唔知有冇下一個100歲」我答：「喺唔知佢有冇下一個100歲之前，我諗我都等唔到佢下一個100歲」就係咁，當晚吃完初試之BABY CAFE之後，就去咗海港城嚕～～

超超超超多人呀!!! 見到黑色頭多過藍色頭呀，如果萬一唔小心望下隻叮噹，隨時比人啤，因為可能阻住人家拍照留念，哈哈，不過我都唔弱，攝到一張呀！！

之後因為太多人又太熱，所以最後都係快快腳走人嚕。不過經過呢次之後，其實人都唔係多到行唔到，如果有時間，真係值得去望望，好似朋友咁講，今次我哋有幸睇到叮噹100歲生日，佢200歲生日真係參加唔到,不如就趁呢個機會同佢一齊慶祝吓啦！！展覽到9月16日咋！！

題外話：

朋友Ａ說：「嘩呢套衫你著咗好耐啦喎，係澳洲日日見你著住」

（冇計，係澳洲唔捨得買衫，日日著嚟著去都係嗰幾套）

朋友Ｂ說：「喂，你大個啦，仲著到成個口靚妹咁」

（咁熱既天氣背心短褲真係好爽）

點算~~~~~~~~我諗我要認真要搵CC幫忙啦~~ CC你睇唔睇我叫救命呀!!!!!!!!!!!!!!!!!!!!!!!!!