減肥減膽固醇麥皮食譜 - 蕃茄蛋花三文魚麥皮湯

上次做減肥減膽固醇麥皮食譜 - 三文魚粟米西蘭花麥皮粥用剩咗啲三文魚骨，究竟可以點做呢？

材料：
三文魚骨　－　上次用剩的
蕃茄　－　４個（因為在超市購買，所以是小型至中型的，數量可以因應自己喜好加減）
蟹柳　－　３條
蛋　－　１－２隻
麥皮　－　按自己喜好
由於三文魚骨已經比我放過入冰格，為了要辟冰雪味，所以我都準備了２片薑。


調味料：
糖　－　適量


做法：

1. 煲滾水，落埋２片薑，水滾後放三文魚下水，轉顏色就拎返出嚟，放一旁起肉備用
2. 生水時放入蕃茄及蟹柳
   （蕃茄我一開４再開半，即８小粒，形狀可因自己喜好改變。）
3. 水滾後把蟹柳先取出切小粒備用及打蛋備用
4. 蕃茄用湯勺壓，可讓蕃茄味更出，這時亦可試試味，不夠味可加糖作調味
   （加糖是為了讓酸味更突出，記著糖下要一次下太多，要慢慢加）
5. 把自己能接受的麥皮份量放入，記著放下同時攪拌湯，否則麥皮會粘埋一齊
6. 蟹柳及三文魚碎放回煲中
7. 開大火，把打好的蛋邊拌邊倒下去，這樣才會做出漂亮的蛋花
8. 攪到蛋散開後熄火（不要太久，否則蛋變老）再用煲蓋蓋住，煲的熱力可以讓蛋熟透不變老

大功告成！！其實我只係將蛋花湯放入麥皮！！！我又鐘意食蕃茄！！酸酸甜甜易開胃，食多幾碗都唔怕！

我即場食２碗，之後第二日仲可以用暖壺暖咗壺番工！

啱啱出院肥咗５磅（因為不可落地行，雖然每日只食２餐），這個湯幫到我！！

用湯勺壓，可讓蕃茄味更出 

開大火，把打好的蛋邊拌邊倒下去

大功告成！！！