其實JOIN了DERMES已經有一段時間(數數手指，差不多一年了)，適逢與CC說好要寫BLOG所以雖然已經開咗頭都要寫! 最初我只是join了full arm + upper lips + under arm, 到最後加埋全面(原因我皮膚差，希望透過清走面毛，減少毛孔閉塞，生暗瘡)，這可謂大大工程!! 起初上去試做都是因為剛從澳洲回港，又搵到份工穏定左，加上看到人家的BLOG然後心動便立即打電話試做。當然還有這個美得動人的廣告：
其實我一直是個毛孩，手上的毛髮多得恐怖！曾經覺得既然如此，無謂搞佢，作為我個人的signature!!(我真係好傻好天真)然而我又好怕痛，但見到人家試完效果不錯之餘仲係唔痛，而且決定試做前，我很麻煩，也要不停爬文看看人家的感想才再決定，當然如果有人試過不好的，我為什麼還要浪費時間上去試，再睇埋呢個示範短片更加令我放心。(看圖識字總比我用文字表達好得多)
還記得療程前3天，治療師Vicky親自打電話提我要記得搽lotion，因為療程的時候皮膚不能太乾，而且不能曬太陽，仲有就係療程前一日先自行剃一次毛毛，要記住如果想脫毛，在進行療程之前，都一定只可以用剃的方式，不能用拔的。怕死又怕痛的我當然照足吩咐做，因為人地打得電話黎叫得你做一定有佢既原因，為免有任何閃失，我連朝早起身換衫番工前都補番層LOTION。
療程當天我是去銅鑼灣金朝陽店試做的上到去先填問卷，姐姐再為我預備了一杯花茶，然後我的治療師就出黎接我了，我的治療師Vicky絕對是個大美女！！！！！首先她會帶我到房先介紹激光脫毛，由於我之前已睇短片，所以都大致上了解，之後再換房睇睇我的毛毛狀況，由於是次試做腋下部份，一直有拔毛習慣的我，已經拔到有毛髮倒生的情況出現，所以可以解釋點解有時腋會出現粒粒，原因是因為毛毛出唔到黎，毛孔又塞咗，情況形如面部生暗瘡咁。
睇完毛毛情況，便入房搞搞佢啦！首先，你可以換衫，因為療程的時候會用到GEL，當然如果本身是穿小背心的話可以選擇不換。換完衫之後當然唔係即刻做啦，首先會係手背做個TEST，等一等冇過敏反應就可以做！又係因為上網睇過，知道一邊激光一邊會有冷風機同步，其實呢部冷風機可以減低激光時帶黎既熱量同痛楚，即時為皮膚降溫。風既強度有幾強，就係當我手背做測試之時，我以為風既力就係激光既力，後來先發現原來佢風力強勁。至於痛楚，如果有係拔毛形式既，感覺其實差唔多，不過激光去到毛毛粗ｄ既位置會比較痛，痛都是可接受的痛，同修眉既感覺差唔多，但Vicky解釋只要做多幾次，毛毛變幼，痛楚都會減少什麼沒有（到而家做我已經冇感覺，佢有時仲會問我係咪暈左，因為我同佢好多嘢傾，但有次我真係差啲瞓著）做完Vicky用濕左棉花就咁一抺，毛毛自己出咗嚟，佢仲提我如果要著背心，唔好用拔的方式，一定要用剃的。（第二日，我見腋下有毛毛，忍唔住用指甲摸下，點知佢自己甩咗出黎，於是我搵眉挾拑挾佢出嚟，無痛無癢，因為毛已死！）
做完之後，問心服務真的不錯，一邊做的時候Vicky會問我痛唔痛，又會同我傾計分散注意力，而手確係我想消滅的目標，她沒有HARD SELL，只係講番如果我想做價錢會係幾多，等我有個預算，同埋脫毛療程約６－８星期一次。價錢我預咗係貴，但只係有幾貴（當然我唔係幾貴都JOIN啦，發咗咩）我不相信永久脫毛，但我相信呢個一輩子既承諾，就係你一世任脫！對比坊間，幾千蚊脫六次，我會怕唔知出面用咩力度既激光同你去做，到最後你只係不停比錢做，個價咪又係係番度。真實例子，朋友比$900做一次underarm，做咗四次效果都不如我做一次試做（自從做完試做開始，我到而家都冇搞過腋下的毛毛），到而家腋下已經做左６次，我已經唔需要再理佢，去旅行著背心都唔需要擔心。
